Antiok anciena jacas en nuna Turkia, ma antee en Siria. Ol esis importanta centro dum la komenco di Kristanismo. L'urbo havis granda populo di judi, qui vivis en la quartero di Kerateion, do ol atraktis l'unesma misioneri, inkluze Santa Petrus.
Ye la 25 di mayo 526 grava ter-tremo eventis ye Antiok, importanta urbo di la Bizancana Imperio. Fairi sequis, qui destruktis domi nedestruktita da la ter-tremo. Segun supozaji, cirkume 250.000 homi mortis. Multi esis vizitanti a la urbo de la vicina regioni, por la acenso-festo. Eufrasius, la Patriarko di Antiok, esis un di la viktimi. La kirko Domus Aurea esis domajata dum la ter-tremo, e pos sep dii di fairo ol esis destruktata. Ca granda oktogonatra kirko esis konstruktita dum la regno di imperio Konstantinos 1ma en 327, e konsakrita en 341. Ol esis ri-konstruktita, ma plura sequanta ter-tremi de 528 til 588 domajis la edifico. Pos grava ter-tremo di 588 la kirko ne esis ri-konstruktita. Esas supozata ke la importo di Antiok diminutis ye ta tempo.