L'Inkurso di Dieppe (operaco Jubilee, qua eventis ye la 19ma di agosto 1942 dum la Duesma mondomilito) esis atako dal Federiti kontre la portuo Dieppe, en Francia, lor okupita dal Germani. Plua kam 6.000 infantrianti partoprenis, precipue Kanadani, suportita per granda Britaniana navala ed aerala suporti.
La skopo dil atako esis invadar e kontrolar l'importanta portuo dum kurta periodo, ed anke pruvar la posibleso di obtenar informado pri kaptiti e pri spoliita materiaro, ed evaluar la Germana repliko. Dum la retreto, la Federiti anke deziris destruktar rivala defensi, portuala strukturi ed edifici. E fine, levar la moralo e pruvar la kompromiso dil Unionita Rejio pri l'aperto di westala fronto en Europa.
Tamen, la mala projeto dil atako rezultis kompleta vinkeso di la Federiti. De la 6.086 soldati qui desembarkis en Dieppe, 3.623 (cirkume 60%) mortigesis, vundesis o kaptesis. La Rejala Aer-Armeo (RAF) perdis 106 avioni, kontre 48 de la Luftwaffe.